ياصاحبي شوف حظي وين وداني=امن المدينه خذاني للنعيريه
وخذت حول السنه والوضع مازاني=مابين ثابت وراحه واستعد ليه
والليل كله مع الجثري وسهراني=سهران والنوم محضر ينكتب فيه
يالين صار الملف نار ٍ ودخاني=قالو مبزوط ولا شفنا بعد زيه
وصدر قراري بعدها يم نجراني=قلت السعد والعوض باعيال مريه
أنا أشهد ان المسافه تتعب العاني=لاكن قدمي رجال ٍ نارهم حيه
لاياجودي على شوفتك باعياني=ياجادل ٍ هلت دموعك وداعيه
والله لولا الحيا وفلان وفلاني=وهروج عاذل تلفق للهواويه
لاترك وظيفه بها نجمه وشرطاني=واجلس على باب بيتك وأطلبك ميه
لاكن بالصبر عسى الايام تلقاني=لو أن عيني تهل الدمع مابليه
ياصاحبي شوف حظي وين واداني=الله يصبر قلوب ٍ تحسن النيه