المشاركة الأصلية كتبت بواسطة السهم الحربي

أجتمع بالقلب ضيقـــــه والتيـاعــــــه = وقام يكفخ مثل مكسور الجناحــي
أشقرٍ كــل ماتنهض لأرتفـــــــاعــــه =لــد عينــه في جناحــه ثم طاحــي
ولو يمر الجـول ســــاعــات أجتيـاعه = مايجي للجول ياغيـر السمـــاحـي
قسوة الايـــام مامعهــا شجــاعــــه = ولايجابه جورها قوة ســلاحــي
والمواقف بعضها يبغى لكـاعـــــه = وبعضها يبغا تعابيرٍ أصحـــاحــي
تجبر الرجال يصخر بأستماعــــه= لين يثر في خفوقــــــه مايبــــاحـــي
كل شاعر يحكمه نوع أنطبــاعه = وأنطبـــاعي يوم أغني عن جراحي
شفت طفل و زاد جرحي بأتســاعــه = يوم مريت المدراس بالصبـــاحي
صف أول مايجي حزنه صناعه =ولايميز بين ممنـوع ومبــاحــــي
شنطته من فوق متنه ياجماعــــه =ودمعته من فوق خده ماتزاحــي
يتذرى عن زميله فــي ذراعـــه = وقلت أبسأل وش سبايب هالصياحي ؟
وقيل هذا ضايع و يشكي ضياعـــه= رجنا ياشيخ بأصوات النيــــاحي
قلت وش به قيل ماعنده قنــاعه = يرجي أن أبوه يرجع عقب راحي
كل لحظه يبحث أسباب أنقطاعه = يسأل أمه وأتزارقها الرمــاحــــــي
ماتبي ترجع على ذكرى وداعـه = وجالها من موجة الحزن أجتياحـي
لانشدها كن صايبها إنلـــذاعــه = ذكـر أبوه يذيقهـــا سمٍ ذحـــاحــي
مير قام يلح ويزيد أرتيـــاعـــه = ومع لحيحه قالت أمه بأنشيــــاحي
راح أبوك يجيب لك دقله وساعه= واعدك بأفخم هديه للنجاحـــــي
قال مابغى من أبوي أية طمــاعه = بس أبي شوفه إذا شوفه متــاحي
ودي أجلس معه وأحظى بأتبــاعه = ليه غيري عايش بكل أرتياحي ؟
وأنا عايش بين حبسه وأندفــاعــه = ولالقيت أدنى طريقه لأنشـــراحي
قالت أصبر ياوليدي بأنخضـاعـه = والولد ينشد وقلبه ما أستراحي
قالت البارح لفانا مع جمــاعـــه = جاء قبل الفجر وأنته مانت صاحي
وراح عجـلانـ ٍ يجهز لأجتمــــاعه = وبالدوام الحين متوشح وشـــاحــي
وراحت الأيام وأبوه بقطــاعـــه = ويوم وقف لأمه بكل النــواحــــي
قالت أمه راح مع راع الوداعـه= والله أن أبوك ساكن بالضـــواحي
وسط قبره لا أرتياح ولا وساعه = بعد ماقضى حياته بالكفـــاحـــــي
مات قبل نشوف تحديد الأشاعه = والطبيب يقول بالراس أنفتاحــــي
وكل دمه ضاع مع فجة نخاعه = ولاقدرنا نرد دمـــــه يوم فاحـــي
حادثه مؤلم ومحفوف بشناعـــه = أطلبو له خالق الخلق البيــــاحي
ثم صاب الطفل حيره وأنفجاعه = يلتفت صوب المقابر كل صباحي
وأنا مثله بين ضيقه والتياعـــه = شفت هالموقف ولاخلّى سراحـي