ياهاجسي للقصيد حضور في كل حين=لو مادعتك المواقف ماتمنيتها
أسرج لك الفكر ويحلق على الفرقدين=مافيه جزلة تعدتك وتعديتها
شاعرك فيه القوافي تفتخر من سنين=يسوق عوب المعاني سوق من بيتها
أفتح لها باب صدري لاغفت كل عين= مشاعرٍ من صميم القلب قهويتها
نوادرٍ من ذهب ماصاغها إلا فطين= يسمى بها الفكر ويحدد مواقيتها
جندتها للرفيق اللي عطاه السمين=اللي على الطيب جدانه على صيتها
سالم إليا قلت سالم ينقضي كل دين=تعشوشب الأرض من طيبة إليا أسقيتها
من يرتكي للثقال وهقوته ماتلين= يرقى على النايفات اللي تعليتها
ابن دغيمان نعم الرأس ذرب اليمين=شيخ المراجل له الأقدام عنيتها
المدح عطر الرجال مدلهين الحزين=اهل المكارم عقال الرأس سميتها
أكبر شرف لليمين مصافح الطيبين =وراثت الطيب لاضاق الفضاء جيتها
يوم استوى الدرب يهمي عسى الله يعين=بيض النوايا دليلك وأنت حييتها
لولا الكرم عاش ابن آدم بخيل اليدين=ولولا الأمل ماتت الهمه ولا أحييتها