ياصاحبي لا تعجب مابه أعجوبه=دنياء دنيه وعشنا في عجابيها
لاتشتكيلي هوى قلبك قل التوبه=البنت راحت وولد الناس عاجبها
لاتحتزم بالضعيف اللي قطع ثوبه=شاف الدراهم وقال إنه يناسبها
في هالزمن كلمة الرجال مضروبه=حسبي على جادل ٍ بزين ضاربها
أنسى البنيه ترى ماهي بمغصوبه=ولاحدن جبرها ولا حدن داس غاربها
ماودي أزيد نار ٍ فيك مشبوبه=البنت راحت وولد الناس خاطبها
يقول ياأحمد بنيت الحب بطوبه=طوبه على طوبة ٍ ورجع وشطبها
يالين صارت بعين الناس مرغوبه=وصكة بعين ٍ عسى تفقد حواجبها
ياأحمد عساها تشوف الخير بدروبه=البنت راحت وأنا ماقدر أحسابها
اليوم في ذمته الرجال مخطوبه=أقفت وخلت لي الذكرى حريبها