يا رياح البوح هبي وانثري صمت الانين=واسبري فوق المعاني شاعرك له منزلا
منزلا فالشعر ترفض غير مجناه الثمين=والوكاد ان الوكاد الي تأمل به سلا
وارسلي عذب القصيد بنظم يحواه الرزين=للملاك وللغلا ريميتي حسن الملا
ناشديها بالتوجد بين قسوّ وبين لين=وانثريني واننثريها ورد بنضوح الدلا
انثريني يا ملاكي بين عطفك والحنين=ثم لميني وعودي انثريني يالغلا
تارتن رهف الحسوس الي تدفيها اليدين=وتارتن وسط الجنان الي رسومك مدهلا
لو قضيت العمر كله بين كلتا الحالتين=صدقيني سعد عمري مير يهلا ومسهلا
ارسمك ضحكه خجل من روح ورد الياسمين=واقطف الضحكه واشمك واحضنك وسط الفلا
والدلال الي تمايل منك به لاتكثرين=وارقبي الله فيني ضرني كثر الحلا
ياوجودي زاد شوقي هاض من كثر الونين=وابتهج به وجد وجدي لينه الهاجس ملا
وقرر انه فالخيال يكف طويات السنين=ويسبق الواقع لقربك وينحني لك بالولا
لانك اغلا من حياتي يا حياتي واسمعين=ماقوله حيف شعري ولا كلامي اجهلا
فدوتك روحي وكلي لنك العهد الامين=الي اخترته طريقي دون فكري مسألا