عمار الاحمدي=
سلام مني الـى بختيـان=اللي له حـروف معروفـه
ياصلك بالفل والريحان=ياستـاذ بالقيـل بنشـوفـه
بخيتان البشري=
يامرحبا والجميع اخوان = وحروف الامثال مكشوفه
الشاعراللي يبى الميدان = الليل ويولّم صفوفه
عمار الاحمدي=
نقراء حروفك من الازمان=اللـي بـهـا الـحـان معـزوفـه
واليوم اقفى عـن الاعيـان=شاعر حلا الصـرح بحروفـه
بخيتان البشري=
الصرح معمور 0 والانسان = لاغاب محكوم بظروفه
لكن عندي علوم الآن= ماودي تبات في رفوفه
عمار الاحمدي=
ربــي مسلـمـك ياشـيـهـان=ما خلت إعلوم في جوفه
الصرح شامخ وله عنـوان=يـامـرحـبــا دوم بـضـيـوفــه
بخيتان البشري=
ما افتيتني والخبر مابان=من شاعر احتاج لوقوفه
حتى معه نرسم التبيان=برموز الابداع وصنوفه
عمار الاحمدي=
وصلـت عـلـى فــن يافـنـان=وابـشـر مـعـك دوم بسيـوفـه
ما دام ظرفك هو البرهان=( لـيـه ) التـعـمـق فـوصـوفـه
بخيتان البشري=
اعلنت له بالوفا اعلان = وعكس الوفا يبني هدوفه
على اللذي شفت ياربان= خل الاجابات معطوفه
عمار الاحمدي =
الكل وافـي ولـه ميـزان=عن ماضي/ن/ كنت مقطوفه
واليوم من يجحد الانسـان=يلقـى الدلايـل بمعروفـه
بخيتان البشري =
الحرف يصعب في بعض احيان=ويعلن على الشاعـر عزوفـه
ويشغلـه فـكـره الحـيـران=بعجايـب الوقـت وصروفـه
لوهو لرسـم المثـل عشقـان=لكـن ماتسـمـح ظـروفـه
طـاب اللقـا بآخـر القيفـان=وكـل الصعيبـات محـذوفـه