المشاركة الأصلية كتبت بواسطة وليف الشوق

بحرالكسره=
لك حرف مثل الذهب رنان = غير المعاني لهـا بصمـه
ابداع نعطيـك يـا فنـان = وازهار لاهبـت النسمـه
بيان الصمت=
مثلك فوسط البحر ربان = له وافر الحظ من إسمه
كلاًّ بذوقه يرى العربـان = هات المثل وابدِع فرسمه
بحرالكسره=
اشكي جفى يارفيع الشان = بعد الصفا راحت البسمه
الغيث فاللي مضى هتان = واليوم جوه لنا عسمـه
بيان الصمت=
للحر في خطوتـه ميـزان = يعرف جنى الزرع من وسمه
عقب الشواهد لنا ما تبـان = نفتي لكـم فالأمـر حسمـه
بحرالكسره=
ما خبر اسئ صار فاللي كان = غير الوفى زاد فـي قسمـه
يسقينـي الصـد بالفنجـان = واسقيـه بالـود والحشمـه