المشاركة الأصلية كتبت بواسطة حسن بن مساعد

الحر منزاله بروس الشواهيـق = مايـنـزل الآ لانــوى للهدادي
له ضربتن تعطب جميع المعاليـق = و صـك مخاليبـه تفـج الثـنـادي
مايصد غير اللي شحمها مشاليـق = يوم ابرق الجنحان صيده جـرادي
ياقليلن بالعرف نوفـي المغاليـق = ليا تسـاون بيضهـن والسـوادي
حنا معبد ساعة العسـر والضيـق = ليا اشتعـل بارودهـا بالزنـادي
لاجاء نهارن فيه وقت الملاحيـق = نروي من الدم الحمـر كـل وادي
نصدق ولايمكن نخـون المواثيـق = طلق الوجيه منزحيـن الاعـادي
ولابه قصورن بالرجال المطاليـق = اللي لهـم فالمجـد فعـلٍ وكـادي
هـذا الكـلام موثيقنـه بتوثـيـق = تشهدبه العربان حضـر وبـوادي
وبالمختصر سويت عذب الطواريق = ولخصتها فابيات حسب اجتهـادي