أسير الغرام=
كيف الهوى نلزمه بعهود=فـي محكمـة للغـرام تعـد ؟
يكـون فيـهـا علـيـه شهـود=وظلمه عن المغرمين يرد
السينات=
لا تتعب الروح في مجهـود=حكم عليه الهـوى يِـنْهَد
الود حاكم وحكمه يـســود=وحتى شهودك مُعُهْ تشْهَد
المختلف=
طبع الهوى سالم المنقود=ان سالَم فـيوم اوعانَد
والود مايواطن المقرود=اللي امتلى شيب واتقاعد
أسيرالغرام=
ما يـنّكر جرمه المـشهـود=وجوره على الناس ما ينعد
حكمه بظلمه هو المقصود=باحكام فالمحكمة ينضد
السينات=
يا كم مِنَ اهْل الهوى موجود=عايـش هَنَى ما يْـقاس بْـحَد
إحْسِب ولا تِنْكر المعْـدود=وعَطْني نِـسَب كاملة بـالْعَد
أسير الغرام=
الود من.. لا ..منه ملهود=فـالألف ( 1 ) ولا يؤكد
يقابل فرح يوم عام لهود=كل يوم عما مضى ألهد
السينات=
لا... لا ... ما نقْبل يا بو مسعود=لازم لإحصاؤكم نشهد
ما كل واحد شقي مقرود=لو دقِّتُه دِمْس يـتمدَّد