المشاركة الأصلية كتبت بواسطة بداح بن مروي العلوي

سايرت لي شاعر مخضرم ومعروف =عضيب ابن شلاح من روس الأعيان
عضيب نجم سهيل بالأمن والخوف =بالسلم صاحب حلم وإن زعل بركان
وجه لي رسالة بها الساعي يطوف= بالملتقى وإشراف حضرت حميدان
حميدان من روس المشاكيل من عوف=له بالوفا والطيب ياعضيب عنوان
وصل السلام ولاعلى نفسك حسوف=إرتاح وأنا أكفيك يوم الهدف بان
تأمر وأنا مالي بالأعراف معروف=أبشر ابعزك في سماء كل ميدان
مادام عيني للقدم تدرك الشوف=والله لغنيبه على رأس ورقان
وأجاوب الورقا على صوت مألوف=وأجيب ماجابت وللعمر ديان
ووصل رساله بها الرأس مكشوف=بالورد والعنبر وكادي وريحان
للشيخ ابن ثلاب وسعود معروف=من ربع ابن بتلأ هل سنان وعنان
ومعتاد والعوني ومضحي لنا سيوف=ولاهو غريب الطيب من ربع وخوان
عسي المنايا دونهم تأخذ إجلوف=ودعو معي لعلهم في خبر كان
عفون الرجال اللي لهم شكل ووصوف=ماربت لحاها على وازع إيمان
إبقطع الرحم من ربهم مابهم خوف=لوهو تباهو بالكرم بعض الأحيان
قلته وأنا ماني عن الناس مكلوف=الله هو المسئول عن ظلم الإنسان
وعلى النبي عداد ماترفع كفوف=بين الرجاء والخوف طيرٍ بجنحان
وعداد ماصفت على بيته صفوف=تغشاهم الرحمة حدر عرش رحمان