يقول من يقرا خلايا دماغه=أمثال تجهلها العقول الصديعه
مثايلٍ فيها مصاويغ صاغه=على القسى لين الموده ربيعه
ماقالها من شان يشغل فراغه=يقولها لاكض بالهم ريعه
يقرا بها بيتٍ ولو ماستساغه=جاهل وله نقد المحارم شريعه
وليا غوى الناقد بعلم البلاغه=ماهو حضيض الي على النقد صيعه
اهل الحذاقه صار فيهم فداغه=من عقب ماصار التصنَع طبيعه
والأجهزه فيها النداءات غاغه=للمجتمع فيها مكاسب وضيعه
تلقى مع الريضان مثل المراغه=عقيل في حالٍ وفي حال ضيعه
أحيان ثقل طويق واحيان باغه=واحيان يصبح سلعةٍ فوق بيعه