سالم البشري=
ماعاد نبغى كدر وجنـان = نبغى صفا الـود مازيّـه
نبغى الذي ينعش الوجدان = ويريّح اعصابنـا شويّـه
العطيب=
منهو موكلك يا كحيلان = تصدر قرارات فوريـه
كًل يعبر وشانه شـان = من مطلق الرااي حريه
سالم البشري=
وكلني مؤسس البنيـان = ياسيف واملك صلاحيه
أخاطب الناس بالإحسان = مااتبع كلام السلاويـه
العطيب=
انا معك ما ابخس الميزان = موسسه وانـت راعيـه
من حقنا يوم حنا خـوان = كـلٍ يعـبـر بعفـويـه
سالم البشري=
لو شفت واحد سليط لسان = ماسـاب هـذا ولاذيّــه
بتئيّد النصـح للشقيـان = ولاّ نسيبـه علـى غيّـه
العطيب=
اكيد مانتركـه لوكـان = متعرض الناس با السيه
لكن بقافك تقول احزان = ماقلت يا خوك عن ذيه
سالم البشري=
هذا العشم والرموزاحيان = تعطـي دلالات رمـزيـه
واهدافنا ودنـا الميـدان = يرقـى بكـم يالفداويـه
نتحمّل اعباء لاجل يبـان = للنـاس ليلـي ويوميّـه
شامخ يشرف جميع انسان = معلم له حقـوق فكريّـه