السلام عليكم ورحمة الله وبركاته
تبي الصراحه مالنا اليوم بك شف=دامك وكيلن معتمدللصدودي
جمر الغلا رمد ولاتحاول تهف=مايشتعل لوتسكب اغلى الوقودي
بالامس الاشواق لك واقفه صف=صف الجنود اللي تحرس الحدودي
واليوم من فعلك نسفها الجفا نسف=شفها حبيسه في ظلام اللحودي
كفنتها بغدرك ودمع العزا جف=اقولها صادق وحذرا تعودي
مع السلامه روح لاتلتفت قف=جفت ينابيع الغلا والعدودي
كرامتي تفرض على اقدامي تلف=عن دربكم يامخلفين الوعودي
الغدر يالجاهل مثل لطمة الكف=في وجه مطنوخن عريب الجدودي
اكبر اهانه وحكمها عندنا هف=لعل مالك فالوسيعه وجودي
سالم بن رجاء الجابري