احمدي طيبه=
سلام من كل شكل ولون=معقم بالاشواق ويلألي
يالعزوة اللي لنا توفون=غالي وجيناك ،، ياغالي
المثل=
دام البقى والعدد مليون=يامرحبا ،، ياولد خالي
ياللي لعذب المثل تحكون=أدخل فالامثال طوالي
احمدي طيبه=
يامن عن السالفة تدرون=اللي بها منشغل بالي
اغليه واقدره بجنون=وهجرانه آثر على حالي
المثل=
فالقيل حرفي معه تلقون=تلحين الامثال جمالي
واللي لوعر المثل يرقون=يلقى شواطيه فجبالي
احمدي طيبه=
حرفك نعرفه نغم وفنون=وفكلمة الحق ما تبالي
والصاحب اللي عليه تمون=شكله شطب رقم جوالي
المثل=
الشكل لا خالف المضمون=لابد راعيه محتالي
ولا طابق الظاهر المكنون=تظهر معانيه فامثالي
احمدي طيبه=
لا ياخذك شك ولا ظنون=وانت اعرف الناس باقوالي
الحق عده ومهما يكون=لا تزيد همي وغربالي
المثل=
واللي منظم مسار الكون=ومكون الناس فاجيالي
لاكّون وافي معك واصون=ياحرف وارفعك فالعالي
على الوفاء دايم (ن) تبقون=وافي كما السيل لا سالي
لجل المثل يحكمه قانون=وما يفهم القن بنغالي