يالفورد ليش كهربك منعاق=يتلاشى مع سطعت النور
وأنا ما ارخصت بك لسواق=حاطك على يدي معمور

تركـتـنـي عـلـى درب طرّاق=جاهلاً على اللعب مسحور
عبث بالأزرر وخربط وعاق=وصد النظام عن كل مأمور

حرك أنا فـيـك مرفـاق=بمرضك كهرب وماطور
الحق مشفاك قبل تنعاق=قبل السرا والزحم والدور

سم أنا للشفا مشفاق=أنـت تـأمـر وأنـا المأمور
لكن لي شرط سباق=ولافي شرط الدائن عذور

أبشر ترى أنا محـقـاق=ولأعطي الحق بقصور
أبد شرطك مآني بعقاق=عسى الله يعافيك بسرور

شرطي من كل الأعماق=لاتودعني عند مغرور
ولاعـنـد لـعـابً مـرهاق=ولاعند أحمقاً مسعـور

هذا أنت عند الطبيب معتاق=تكفى ياطبيب أصلحه مشكور
حنا اخترناك وقت الاضياق=يابيطراً لك الحديد مصخور

قد زاده الدوس بحراق=ولاعندي له رقم ونمور
لكن وده للطبيب مشتاق=ماله غير مشتاق دكتور

مشـيـنا لمشـتاق ورفاق=نـدوّر الـبـيـطـر المـنـدور
وعلى الباب قابلنا وفـّاق=قال حطه في سرا الطابور

عرفنا السبب والمرض ينطاق=عليك تدفع والعطل مقدور
مع وقتً وصبر وأخلاق=وإلاّ غادر عـنا ولغيرنا دور

أمري لله بدفع ولآني بشقاق=ماشق على ملحوق وميسور
لكن على برهان وعلمً مصداق=مع ضمان وكتب مقرور

أنت يوافق أنا يسوي اتفاق=خلاص مافيه مشكلة وضرور
أفحصه على جـهـاز براق=وأعـطـيـك ضمان أيام وشـهـور

علمني على ذا الجهاز يافاق=ودي أعرف تكنلوج العصور
وأصير مهـنـدس بارعاً رماق=أجـيده وأتحـدى كـل مثـبـور

أنته سعودي كسول طفاق=ما يسمع نصيحة وشـور
يبغى مدير فـوق الأطباق=وإلاّ نوم ورأس مكسور