اشتاق لك شوق البحر لشواطي=عمرك تشوف البحر يهجر شواطيه؟
مقدر على فراقك ولاني بساطي=ياروح روح الروح يا عمر مغليه
الله عطاك من الوداد احتياطي=يكفيك والعالم حرامً إن يغطيه
ربطني بوده وثيق الرباطي= مسيسً مبناه داخل محانيه
مابيع في ودك ولاني بعاطي=الله عطاك من الغلآقدر معطيه
سطاعلى قلبي من الودساطي=واحتل فكري والآحاسيس تتليه
لبستك اوسمة الغلا والنواطي=انت الامير بقلب حي/ن/معنيه
قلبً خلامن غير ودك وحاطي=الا محرم غيركم مايرآعيه
لقط ارسال الود منك لقاطي=وغنا على موجة غرآمك بغانيه
الي حصل ماهو بجمع النقاطي=الله عطاك من الغلا وأنت زآهيه
تم الكلام الي على قاف اطي=سطرت حرفي والمعاني تجي فيه
كحيلة حرب=
قريت قاف (ن) بالموده يعاطي=قاف(ن) جميل وكل عين(ن) تراعيه
وليا قريت القاف زاد أغتباطي= من يوم راع القاف زين مبانيه
وأحط فى زين القوافي أشتراطي=إليا لقيت القاف روحي تناجيه
ردي أجيبه من على غير باطي=وكل(ن) على رايه يورد معانيه
يا اللي على سيف البحر لك مواطي=موج البحر لابد له يوم يخفيه
الحب ما قلنا عن الحب خاطيء =لا شك وين اللي يعرفه ويعطيه
هذا زمان(ن) فيه حب الهياطي=وحب الشرف يزكي وتزكي مباديه
بعض الهوى سامج مرٍ سماطي =بعض الهوى عذبٍ وياحلو حاليه
لو الجمل يدخل بسم الخياطي=راع الهوى ماهو بقادر يخليه
حطيت من فوق الحروف النقاطي=أنا كتبت القاف وللقاف قاريه
بأغرب زمان(ن) صار فيه الطماطي=صعبٍ على البياع ويصعب لشاريه
الله يهدينا لدرب السراطي=والكل منا لمسلك الحق تهديه
نادر النادر=
اولٍ صح السانك اعتراض رااقي
من شاعر مبدع لاشك
تشكر عليه والشعر ادب وذوق ومشاعر يجسدها الشاعر
في قصيدة وما ذكرت من الحب السامط هذاك مو حب هذاك تسليه سامجة لاشك
من اشخاص اسمج منها وعقول فارغة في زمن الفراغ
اما الحب النقي من الادناس فهو ماذكرت بهذا الشطر
[وحـب الشـرف يزكـي وتـزكـي مبـاديـه]
ودمت بخير ما غرد الطير