أصحاب كانـت معزتهـم = في الروح كانوا أعز النـاس
في الجرح أذاري غلطتهـم = بعت الذهب لأجلهم بنحاس
واليـوم بانـت معادنهـم = حديد صابغ مـع الألمـاس
الليل يمضي في حروتهم = والصد والبعد ماينقاس
ياكيـف ؟؟ هانـت خوتهـم = صارت تلاعب كما الأمواس
يحـرم علـى .. اليوم جيتـهـم = والحر عندي رفيع راس

كثر الهواجيس شاجتني = خلت أموري بليا ساس
ياكيف !! تبعد وتهجرنـي = وأنت في نبض الفؤاد أحساس

غاب القمر والليالي تدور = وخلي معي طول غيابه
مدري تغلي ؟؟ ولا غرور = ولا أكيد ؟؟ غير احبابه

حار القلم .. دارت الأفكار = مشتاق والحرف في حيره
مل القلم !! خط لي تذكار = (مجهول) .. محتار تصويره ؟؟

درب الحزن سألك (ن) قلبي = أتعب حياتي وهد الروح
بالله ياالحظ ترفق بي = تبعد لهيب الحزن وتروح

العام عدى بأسى وحلام =والليل لا نمته بالقوه
واليوم بفتح سجل غرام = عشان أنسى الذي جوه

عاتبت قلبي على ودي = ليه القساوه .. وكثر الصد ؟؟
قلي ترى النفس تنحدي = ماعاد تقوى .. طعون الود

جمـال وعـيـون نعـاسـه =وشامه !! بخده أيـا... ويـلااااااه
(( لا شفته القلب رمّاسـه ))=(( يزداد وان غاب عني تااااااه))

طعنتني يا أعز الناس =((وين العهد ؟؟ وين ميثاقك ))
أسقيتني !! من يدينك كاس= السم وأحسبه ترياقك ؟؟

ياليت !! لـو تنشـري الراحـه=لادفـع بهـا دم مـن قلبـي
وأسعف حياتي ... من أجراحه=وأدعس على الهـم والغلبـي