ترا الجفى والصد شبه أحتقــاري = وكثر الهروج يعد فعل الرخامــي
وأشلون أداري شوق والقلـب داري = في شوفك اللي زاد همي وغمامــي
طبعك تغير؟؟ وش يفيد أحتيــاري = وماني مقصر فيك فعل وكلامــي
روح أبتعد أرجوك هذا قــراري = ماعاد باقي غير رد السلامــي
صويب حبك ماهو أعيار نــاري = وسرابي الهاجس بليلن ضلامــي
الجرح ماتشفيه بالأعتــذاري = ماعاد لك بالقلب حب وغرامــي
اعميتني بأسلوبك الأنتحــاري = أسلوب يرميني بوسط الزحامــي
اٍن كان لي بالقلب ياصاح طــاري = الصبر في وقت الشدايد حزامــي
أبشرك ترا جرحي دليل انتصـاري = وانا معك يكفي كسبت احترامــي
انا قراري جاك حسب اختيـاري = حجم الغلا ماينعرف بالجرامــي