العمودي =
سلام واسمع هجوس القلب = أللي مع العيد ضايقْته
اصبح في حالة نفور ورعب = إسعى معي في معالجته
أبومديده=
يا مرحبا والهواجس غُلب = تحارب القلب في صمته
والطب ليّن حديد وصلب = وكل شي مكتوب له وقته
العمودي =
ماكنت أظن المفارق صعب = حتى افترقنا وودعته
أللي عزفت الوطن والشعب = ساعة فرقني وفارقته
أبومديده=
ساعة فراق الأحبا كرب= وليتك نصحته وقنعته
وان ماحصل شي مستغرب = فا لحال يمديك رجعته
العمودي=
سافر وترّك بلدنا غصب = وتقدير للظرف طاوعته
أللي طلب خوتي في الدرب = وظرفي منعني مرافقته
أبومديده=
عادات نار السفر تلهب = وانته على البعد بايعته
لكن خل الأمل مطلب = ما دمت شاري ولا بعته

وانكسر اللحن وياصحابنا سامحو نا