العطيب=
سلام للي يبي الميـدان = وللي لنا صافي بجـوه
نبي نتسلا على القيفان = يوم السعد ممطر/ن/ نوه
عمارالاحمدي=
يامرحبا يارفيع الشـان = جبت القوافي على جوه
ابشر بليلا وليـلا دان = يوم الحلا بان لي تـوه
العطيب=
الله يسلمك ياشيهـان = طاب المثل وبتدا ضوه
والان نبدا معـك الان = حبل الوفاء بينا قـوه
عمار الاحمدي=
ابشر . مادام الوفاء عنوان = اللي في بالك هنا سـوه
مادام حرفي لحرفـك زان = تبقـى معانيـك محلـوه
العطيب=
منهم شكا قلبي الهيمان = اللي بلا عطف ومـروه
ما اقول لك قايد الغزلان = إلا ملك زيـن بعلـوه
عمارالاحمدي=
احرص على الجرح مهما كان = يـزداد فـي نشـوة انمـوه
وان كنت فنظارهـم فنـان = منـي كـذا يطلبـو الخـوه
العطيب=
صدقت له با الغلا يا فلان = حتى خذ القلب با القـوه
ثم قال وقت الموادع حان = حبل الوصل بينـا طـوه
عمارالاحمدي=
ما دمت صادق مع الخلان = وهاذي سوايـه فالخـوه
ان راح عاشق يجي ولهان = هذا المثل عالـي امـروه
ياســــــــــلااااام عـلـى الابـــــــــــــــدااااع
الاخ القديرالعطيب والاخ العزيزعماالاحمدي
كل عام وانتم باالف خير وعساكم من عواده
صحت السنتكم ودام ابداعكم وبيض الله وجيهكم
محاوره من بدع وايضا رد في قمة الروعه والجمال
دمتم على الف خير |