فايز=
يامن يشب المعاني شب=يالين ماتنطفـي ظيـه
سلام من حرفي المشتب =حاوي معانيه مخفيـه
الأشعل=
انا معك شرق والا غرب =وجـنـوبــهــا والـشـمـالـيــه
ترحيب ياغايـة المكسـب =ونـار المـثـل بينـنـا حـيـه
فايز=
ياصاحبي يارفيق الدرب = ياحرب فديـار حربيـه
تبقا ومن حرفنا تعجب = لو بشتكي كـل مافيـه
الأشعل=
دنياك مابين همج وعذب = ماتدوم هـذي ولا ذيـه
وآنا لشكواك ماستغرب = عجل بشرح الخبر ليـه
فايز=
من عذب صافي هني اشرب =ولآ صـدق اقـوال غيبيـه
كل يوم يقـرب ولا يقـرب = وصُلـب العلاقـات وديـه
الأشعل=
معروف فيك الامل يضرب =يابـن الرجـال السنافيـه
قدام شمس الامل تغـرب =انهـج بنهـج السياسيـه
فايز=
اللي فجوف الحنايا طب = فجّـر قنابـل نواويـه
والقلب ماينعذل لاحـب = ىعطني لها حلول جذريه
الأشعل=
انت اتّحدث هنا عن قلب = سوى الهوى فيه ماريـه
وان ماتحقق له المطلب = لاشك راحتـك منسيـه