ياسعود لاح البرق وسط الغمامه=هيض هواجيسي وانا لازم الصمت
اللي حكابي بقهره ببتسامه=لاواعذابه يوم جيته وسلمت
الطيب ماهو لبس ثوب وعمامه=ولاهو بشي ٍ تذبحه لو تكرمت
الطيب ساس ٍ للعرب والشهامه=الطيب طيب النفس ياللي تعلمت
ياسعود ماهو بلشتي هالهلامه=ياسعود قلبي زاد شوقه ولانمت
لي صاحب ٍ قفى ولاأدري علامه=قفى كذا فجأه وأنا ماتولمت
ياعنك قلبي بالش ٍ في غرامه=والعين تكتم دمعها لاتألمت
يانعنبو حب ٍ يذل الكرامه=يانعنبو بيت ٍ نصيته ولا قمت
لاوهني اللي يصوت يامامه=وأمه تزمه قايله لاتظلمت
لاوهني الغصن فوقه حمامه=تشكيله الضيقه وانا ماتواهمت
قلبي وهو قلبي يغير كلامه=أبليز قفمي مومينت لو تكرمت
يابجاد لاح البرق وسط الغمامه=هيض هواجيسي وانا لك تكلمت