حب الوطن بالقلب ماهو بقصيـده=واليا دعاني واجبي قلت له سـم
حب الوطن عز الفهيدي ورصيده=حب الوطن يجري بنا كنه الـدم
مجد الوطن في كل عام ونعيـده=تمت ثمانين بهـا الشمـل ملتـم
يوم الوطن فيـه المعانـي فريـده=انقدم الجزله بهـا اليـوم نهتـم
تاريخنـا فيـه المزايـا عديـده=مثل البحر مثل المطر كنـه اليـم
يوم البطل حقـق لنـا مايريـده=عم الامن والجهـل زال وتهـدم
توحدو من كل شـن وبديـده=عقب الجهل والظلم والهم والغـم
عم الرخا كل الديـار البعيـده=هذا اخو هذا وهذا ولـد عـم
طبق كـلام الله وامـر العقيـده=ورفع لنا الرايه ,,حضارات واشيم
هذا مسك مصحف وهذا جريده=في دولة التوحيد لقلوبنـا ضـم
واليوم ابو متعب وجنبه عضيـده=كل الرخا والخير بوجودهم تـم
واللي بقلبـي ماتعـده قصيـده=من الغلا ياموطني مااحصي الكم
حربي كتب وأفعال ربعه شهيـده=يشهد لنا التاريخ ,, يشهد لنا دم
دون الوطن والجار كلن نبيـده=نحمي حدود الدار ونجرعه سـم
انت الوطن وارواحنا لك زهيده=اطلب فدتك ارواحنا ،، وانتقدم