محاورة منصور الغيداني وحمدي الغيداني
ارجو ان تحوز على رضاكم انا اللي بديت واقول
حمدي كم قلتله ياناس كم قلتلـه=اصبر وتصبر يا لين الله يدبرها
خلك مكانك ولا تاطى على القنبله=والقنبلـه يارفيقـي لا تثورهـا
وهذا رد الشاعر حمدي الغيداني
منصور من مزعله منصور من مرسله=هلت مزونـه مـن القبلـه بماطرهـا
القنبلـه لاتثورهـا وهــي مقفـلـه=ضاعـت مفتيحهـا وانتـه تدورهـا
وهذا رد منصور الغيداني
ملومه اللي يدور دوم للمرجلـه=يوم المراجل قليل اللي يسيرهـا
دور على موترن جديد واستعمله=خل القديمه تصدي في مثابرهـا
رد حمد الغيداني
ماعندنا مشكله ماعندنا مشكله=الى بغينا نقررهـا نقررهـا
ماني بمثلك بعيرك لهدر تعقله=لشفتها خالفت ماني مدررها
وهذا رد منصور الغيداني
ان كنت صامل حقيقي قوم واستعجله=قبـل لتـروح وعيونـك تناظرهـا
تبا الحقيقه ترها صـارت مطولـه=والناس ماهي على كيفي نصخرهـا
وسلمتكم