ياخوك ياعامر ترى العذر من ظرف=من بعد ماصارت علي امحسوبه.
هرجة قفا ومحرفه بالردى حرف=حتى على راسي تطيح العقوبه.
صدقت بالنيه وغضيت بالطرف=وقررت عن بعض السواليف توبه.
وخذها نصيحه قبل لانختم الظرف=أتوضح الحاصل وتكشف عيوبه.
ماعدل الجاهل نصايح هل العرف=ولاعدله ضرب العصاء في جنوبه.
يمشي على عرفه ومن جرف في جرف=والناس ماتجهل خفايا سلوبه.
ماشفت في عيني يعبر بها الحرف=وقررت عن بعض السواليف توبه