البيرق المنصور=
انته حقوقك من التوزيـع=والنشر لاشـك محفوظـه
تشري فسوق العرب وتبيع=لواشكل الناس محظوظـه
بخيتان=
ليه في حرف المثل تشريع=أعطيه بأسنـاد مقبوضـه
ومن يجهل السوق دوم يتيع=من كثرة الناس والفوضـه
البيرق المنصور=
لولاك منته منيف منيع=ماقلت لك بنك بقروضه
ويعذل فواده عن التقنيع=لكن مايعـذل الموضـه
بخيتان=
اللي تطبع على التطبيع = مرفوض لو قدم عروضه
ومن يرتوي غير بالتنقيع = دلالته فيه ملحوظه
البيرق المنصور=
خبرتك انته من التصينـع=لوانها تكـون مرفوضـه
تمشي ومعك الزبون ايطيع=والخمس كل يوم مفروضه
بخيتان=
دامك موكل على التجميع = ولا انكتب فيك ملحوظه
ما اظن فيها تعبك يضيع = وشهادة الحق ملفوظه
ماتهمنا كثرت التلميع = وشروطه العقد منقوظه
انتا وانا نحكم التربيع = لو احتوى كامل غموضه
البيرق المنصور=
ضاري على الناس بالتجريع=مع كل ماخـاض لـه خوضـه
وكلن من الوجد والتوجيـع=ماحصل عـلاج ممروضـه
مدري مولج علـى التدليـع=والا منطرْ علـى الروضـه
وحبيس راع المناخ يذيـع=بعد الحيا كف عن نوضـه