الغرب غير لنا عـادات=فاللبس والشكل والمظهر
سرنا نتندّم على ما فات=خلاص باعوه فالمتجـر

لاتعم الاجواد فالكلمات =اللي بها جيت متكـدر
الغرب فالكون مخلوقات=مايوم فالمسلـم اتاثـر

هذي حقيقة ومني جات=أقولـهـا والـمـلا تفـسـر
القول واضـح بـلا زلات=سيلٍ من الغرب متحـدر

ماجيت باغي معاك انهات=كانه بديـوي ومتحضـر
للشاذليـات مصاصـات=وماكان خافي تراه اكثـر

لساع باقي معك جـولات=لاتحكـم بقـول وتصـدّر
والكيف ماهو كما الشربات=ياللي على الناس متمـدر

معاك لنهايه الصـولات= يامشتكي نكرة المنظـر
وانوْم اللي بعد مابـات =واصحي من كان متخدر

شفنـا بعـد طلعتـك نــزلات=الله عـلـى حـالـتـك يـسـتـر
ضيّعت ياصاحب الوجهات=والصقـر عـالـي ومتـحـذّر

ماحد ينـزل بعـد طلعـات=مادمـت عاقـل ومتفكـر
لكن ليا شفت لك شوفـات=انصحك لا تذيعها . استـر
وش مر اشكل من الصبرات=والمر فالصبر طعمـه مـر
يسترك في حزه الحشـرات=اللـي لـه تهلـل اتكبـر

حيـيـت يامـكـثـر الأبـيــات=مـن شخـص لا قلـل وكـثـر
كـل الدلايـل علـيـك اثـبـات=جاوب ووقع على المحضر
وانصحك تبعد عن النقزات=مـاكـل كـسـر(ن) بيتـجـبـر
لـكــن لاكـثــرت الـوقـعـات=متـكـون فالـنـاس متـصـدر