رفعت ايدي تال الليل لله ثم دعيت بصوت=تحت جنح الظلام ولابه احدٍ سمع دعواتي
غيرالمعبود سبحانه مفرّج ضيقة المكبوت=يصارع بحر همه بالظلام وموجه العاتي
دعيت اللي كريمٍ سمع يونس وسط بطن الحوت=طلبته يغفر ذنوبي ويغفر كل سياتي
أنا ما ادري متى مير الوكاد اني لاابد اموت=مثل كل البشر بالكون ذا رايح وذا ياتي
تعدينا محطات الشباب وقلت فات الفوت=غفلنا لين رحنا بعيد عنها والامل فاتي
قضينا الدرب باشغال الزمان ولعبة البيلوت=نعيش اليوم بافراح الحياه وبكره امواتي
صح اللسانك يا ابداع الشعر
اتابع نوادر قصيدك الجزل
بس المره هاذي ليش خايف العب بالوت وفلها
مات الفقير ومات راع التجاره
تقبل مزحي انا المتابع لشعرك النادر
اخوك فليح الهابس