حل اللحد في منبع الوجد قصاف=واعتام فكري ما غشتها العذوبه
واستنفره بالي على بال ما طاف=بين المحيط وبين وسط الكروبه
وبرقت قافي دونه الحد سياف=والوقت سيفه يشطر الي عنوبه
ابهم بنطحه للموازين ميقاف=وقت التكتف للردوع الصعوبه
وارقيت به فوق المحاليك رفاف=عهدن رسمني وارتسمت بشهوبه
وانّجيت قد انّجيت ماجيت مهياف=للدائره فـ. المحوره بالركوبه
يامير غلب طبعها يحكم انصاف=من در جوهر ناتجه ما سهوبه
يومن لقى نده حزم جيش نساف=ما دار حول المعركه واهتنوبه
ارسل صقور لكحات على قاف=رصد الجسوس القاهره لا غزوبه
يحكم بحلي الصبر للدم نزاف=رّقوه بذاته دون ما يرتقوبه
هندم على نحر القنيات برواف=جود السباع وسيطره من رُحوبه
يكفح يهز جبال للصعود نواف=مايندثر رسمه بربعن نخوبه
من ساس حمله يقضب الحد رصاف=فارس من الفرسان لامن اتوبه
من عز لابه ظلها خير مسقاف=خزات عين العدو لامن طروبه
نصارت المظلوم في كل مشراف=حمالت العاني وكل ما حفوبه
تّزبن الدخيل ليا به الوقت لقاف=اهل الكرم والجود والي ينوبه
والجرم جرم النفس والمبتلا لاف=بين التحقق والتستر بثوبه
مانجهله لكن على النفس إقاف=الضرب فالميته مذمم لعوبه