المشاركة الأصلية كتبت بواسطة أبو مره

أنا =
بالله ياهل الصفا صفيـن =نبغى نسوق اللحن راقي
هزيت غصن المعاني لين =لقيت طرحه ذهب ناقـي
أبوناب =
حيّيت يا مرحبا و أهلين =ترحيب صادر من أعماقي
ماد الصفا ننثره ياسمين =والطيب بين العرب باقي
أنا =
زان الصفى وعيدنا عيدين =ولحرفك الحرف يشتاقـي
ياطير غرد على غصنين =مادمت بالقيـل عملاقـي
أبوناب =
ياقايد الصف جيشك وين =لا يختلف نهـج ميثاقـي
شيل اللحن زامنا زاميـن =رهدون من خيرة رفاقي
أنا =
جيتك هذاني بغمضة عين =كالشمس في حزة أشراقي
السقم فيني غدى سقمين =أشوف وسع الفضا ضاقي
أبوناب =
لجلك دموعي جرت نهرين =و أحرقت بدموعي أوراقي
و دي غموض الأمور يبين =يا عـلّ ينفعـك ترياقـي
أنا =
أخاف جرحك يجي جرحين =مادمت في داخل أنطاقـي
القيد في معصـم اليديـن =تخيل أنـه لحـق ساقـي
أبوناب =
لجلك حملت الأسى طاقين =ما تنطفي جمرة أحداقـي
توّهتني من شديد البيـن =ضيعت غربي و مشراقي
صلّي و أنا أصلّي البردين =نطلب فرج ربنا الباقـي
اللي جعل للعسر يسريـن =سبحانه الواحـد الواقـي
و إن كان نقدر عليه نعين =أجيك و أبقى معك شاقي
أجيك و أبسط لك الكفين =هذى شيمكم و أخلاقـي