ملتقى قبيلة حرب الرسمي - عرض مشاركة واحدة

13-08-10, 10:48 PM


	المشاركة الأصلية كتبت بواسطة مراسل حـرب


	السـلام عليكم ورحمة الله وها أنا عدت وآسفين على التأخير بسبب إنشغالي مع الأسره .. طبعاً أنا عادتي السنويه أخذ إجازه في رمضان >> يمدحووووووون الإجازه في رمضان والسهر مطلوووب نبدأ من بعد صلاة التراويح مروراً بصلاة المغرب من اليوم الثاني .. (( تحملوني راح أبربر عليكم شوي )) هههههه بعد ما أصلي التراويح أروح للبيت وأجلس مع عيالي شوي وأتفرج على التلفزيون لحد الساعة 10 ونص أو 11 وبعدها أشيل عيالي وأحطهم في بيت الوالده وأحياناً يسيرون عليهم جيراني وأطلع أنا مع الشباب للأستراحه ونتجمع ونسولف واللي يبغا يلعب ورقه واللي يبغا يلعب كورة طائره ( كورة الطائره اللعبه الشعبيه في رمضان بكل تأكيد) وأنا من محبي كوره الطائره وكنت لاعب في أحد الأنديه سابقاً . المهم نلعب لحد الساعة 3 فجراً قريب لسحور ، وبعدها كل واحد يقلب وجهه ويروح لبيته وعياله ويتسحر معهم . أروح للبيت وأتسحر وأجلس عند التلفزيون لحد مايقول الله وأكبر الفجر وأرح أصلي وبعدها أقرأ قرآن وقبل ما أرقد أشوف المنتديات اللي أنا مشارك فيها. وبعدها أحط راسي ليييييييين الظهر أصلي وأرجع وإن كان الغاز مخلص أتصلت على راعي البقاله وخليته يحمل الدبه ( الدبه من الحجم العائلي والله مافيني حيل أشيلها ) أعطيه 5 ريال وأفتك منها وأقوله الـ5 الثانيه إذا جيت خلك جاهز لا تروح بعيد هذا في حالة وجود كارثة دبة الغاز *_^ إن لم يكن هناك دبة غاز أحط راسي ( اي أنام قليلاً بمعنى آخر أخذ قسطاَ من الراحه ) وأحط راسي لييييين العصر وأصلي وأقرأ قرآن في المسجد ، بعدها أدخل للمطبخ أشوف وش ناقصهم << فاضي ويردون علي يقولون ماناقصنا غير أنك تجلس لييييين يجيك الفطور وتراك أشغلتنا >> الآن وأنا صائم أسمع هذه العباره وكن دبه الغاز الكبيره عادت من جديد لتسقط على راسي .. وا أسفاه .. عاد الحين جا الفطور ابلع بشراهه وكأنني واحد من مجاعة إفريقيا .. بعد الفطور أقوم أصلي المغرب وبعد الصلاة أدور اللي مانشوفهم غير في رمضان وبالصدفه تتجه عيناي إلى أبو حسان ( فلسطيني ما أشوفه إلا في رمضان ) إذ بأبي حسان يتجه بسرعه إلى المنزل بعد مارآني ( منعاً للإحراج ) _ الله يثيبه ويجزاه خير الجزاء .. وما أكثرهم أشباه أبو حسان . المهم أرجع للبيت أتفرج على طاش ماطاش المسلسل البايخ << مافيه أمل يغيرون هالدراما البايخه ناصر وعبد الله السدحان )) بعدها أصلي العشاء والتراويح ، وبكذا إنتهت يوميات مراسل حرب وشكراً مره أخرى أختي الكحيله والله حبينا ندردش ونخرج عن النص قليلاً .. تحيـاتي للجميـــع ،،،

مشاء الله برانمجك حافل با الانجازات

والاشياء النافعة وهم شيء دبة الغاز .. كان الله في عونك

ويلاحظ عليك كثرت النوم المتقطع

لذالك هذه هدية من ولد حرب لك

وكل عام وانتم بخير
والف شكر لك على المشاركة الشيقة
والراائعة