علي الحصني
مرحبـا ياشاعرٍسلـم علـيـه ماعرفـتـه
غير يوم إني نشدت الناس قالو لي عياضي!!
ودي اعطيك الجنيه الحر وان كانك صرفتـه
اعتبرك الي ملك قصرٍمن قصور الرياضـي
العياضي
البقا ياشاعرٍفي قصر نجد اليـوم شفتـه
القلوب اليوم يمكن وسط داخلها المراضي
كم فنجالٍ مع الاخصام يالحصني رشفته
والقضية عانها محفوظةٍ في ايدين قاضي
علي الحصني
كان عندك خير اخذته كان عندك شر عفتـه
وكان مامن خير غير ارسلك وتجيب المقاضي
قالها مستـور والقـول المصـدق ماحرفتـه
السواد الي بنـون العيـن يزهـاه البياضـي
العياضي
انت حصنيٍ تحب اللف غير اعطيك لفته
ياحصانية الزمان اليوم قافيك انقراضي
اثر هذاك الشريط اثرك يالمجنون كفتـه
يوم كفته مالقيت بوسطه الا هرج فاضي
علي الحصني
انت ضايق من بني عمك وصفك ماوصفتـه
تترك الضلع الطويل الي عليه البرق ناضـي
اللحاف الزين وشبك يالعياضـي مالتحفتـه
يوم جاك من الرجال الي لهم حاضر وماضي
العياضي
البعير شعيل شال الحمل لكن ماعسفتـه
ضايقٍ ياناس ضايق دون هذا كان ماضي