محمد عويض البدراني=
يوم ربي جابها بالنـت مافيهـا كلوفـه =كل رجالن نبا ناخذ علومه فـي محلـه
والله اني ياجماعه شفتلي بالوضع شوفه =شوفتاً ماهي على سلم العرب سنه ومله
حفيد الحجيري=
جابها ربي وجاب الصاحب اللي ما نعوفه =في حلال الملتقى وحْلال حرب أعزّ حلـه
هات ما عندك ترى دنياك ما فيها حسوفـه =خذ سلوم أهل الوفا وألاّ الردي واللاش خله
محمد عويض البدراني=
جيت متعدي وشفت البرق يبرق في نصوفه =واحدن يمشي نظام واحدن ماحـدن فطلـه
يوم حط الراي بالموقع تمادو في وصوفـه =كل واحد قام يخطي يحسبن وافـي سجلـه
حفيد الحجيري=
لا تلدّ بعين وحده لا تحوف العلم حوفـه= أبعد النظره وشوف الدرب حتى أنك تدله
كل واحد يا سديد الراي له نظره وشوفه= من طرفنا ماتجيكم ياعيال العم زله

محمد عويض البدراني=
كان تبغى كل واحد قدمنا يبرز كتوفـه =شفت شيً ياطويل العمر يكتب بالمجله
اسمه اللي مستعيره عندنا يسوي بروفه =وده انه لاطلع بكره معه سيفـاً يسلـه

قدمنا ما فيه أحد يصمد ولو زادت صفوفه =مير لا تنسى تداوي كل جرح وكل علـه
كل واحد يا محمد حسب ما مدت كفوفـه =كان سَلّ السيف سِلّ السيف لا تدخلك ذَله

والله اني مابغيت اللعب على مثله وأطوفه =لاني اخشى من كلام الناس لاقالوا جبلـه
مايهم ولا يهم لو شفت جايب لي سيوفه =اخذه من ضهر ريمه لين عضمه مايشله

ما نذمك من هل الطالات من قوم مْعروفه =مير لا تخشى كلام الناس عَلّ الراس عَلّه
يا قمرنا دامنا ويّاك لا تشكـي خسوفَـه =ما نضيم ولا نضام وبيتنـا ذرايّ ظلـه

ماعليكم زود والرجال مانجهل وصوفه =لانوينا بالكبيره نطرحه من راس فلـه
مير نبغى راي منكم حيثكم بالطيب نوفه =ولا انا اقدر على راسه ولو نبغى نبلـه

حرب قوم الحرب للطالات والعليا شغوفه =تكسب النوماس يوم تهلّ من فرع الأهله
راينا الرجّال يحمي ماقفه ، يكرم ضيوفه =يكرمه بأم الشحم ويسوق له فنجال دلـه