ابو صايل=
سلام وأنت رجل مهتـم=لاجات تفهم اشارتها
أجيال عايشتها وملـم=بالروح تشرى نصيحتها
أياتهم في نظرك أسلـم=وتهون عندك مصيبتها
مصيبة الناس قِل الفهم=والا المصيبة قناعتهـا
.
لله درك يابو صايل على هالبدع
وصح لسانك ياذيب
.
حرب=
ترحيبةٍ كنها البلسـم=باللي رفيعة مكانتهـا
والعزوة اللي لنا تزهم=واجب علينا اجابتهـا
الاولة تهون ياابن العم=بالعلم تنهي جهالتهـا
لكن فالثانيـة تحلـم=انك تغيـر طبيعتهـا
.
ماشاء الله تبارك الله على هالرد
والله مدري وش اكتب عشان اشرح لك سعادتي بهذا الرد يابو عمر
.
لكن ما اقول غير صحت السنتكم
وفالكم الجنة
.