|
|
 |
|
 |
|
الجراري ..
سلام يالشاعر الواعي == ياللي حصون الشعر تحميه
عامين في ودهم ساعي == أتبع منهو غرامي فـــيه
بخيتان البشري ..
ترحيب والطيب له راعي == واللي يوفي لنا نوفيـه
عامين فالـودّ لساعـي == وش تشتكي منه ياراعيه
الجراري ..
للعز تبقون مرجاعي == الخل بيّن لنا خافيه
قطع الوصل سم ملتاعي == والود ما ينتهي وانهيه
بخيتان البشري ..
مابين الأجواد ماضاعي == مد الوفا بالوفا تكسيـه
أبحث معه كل الأوضاعي == يمكن تلاقي سبب يبديه
الجراري ..
تزداد في قلبي اوجاعي == يابادع القاف لا تطريه
الهجر بين الملا ذاعي == والحل لازلت أنا أرجيه
بخيتان البشري ..
الودّ له غُـب فالقاعـي == كثير غِرقو على شاطيه
فبداية الدرب بك تاعـي == عامين وإنته تتبع فيـه
لا تعيّش الروح في نزاع == قلبك فالأوهام لاترميـه
قرار صادر بالإجماعـي == امتعتنا باللحـن يابيـه |
|
 |
|
 |
|