ابدا بذكر اللي له الفضل والمد = كلام واضح ذكر ربي مشده
الناس قالوا كل شي وله ضد = يا مستمع ماتسمعه هات ضده
وشضد بنت قاتله حدها حد = جميع شي تاكله ما تلده
ووشضد بنت واضحه مالهاسد = تحمّل الاتسان قوه وشده
ووشضد رجل لايقاوم ولايرد = ليا نصا الانسان ماحد يرده
ووشضد رجل هد حيل الرجل هد =ليا ضرب رجل به العنف هده
ووشضد رجل كل ما تطلبه مد =يمد كان الله بالخير مده
ووشضد رجل مسرف ماله مود = وخطرليامنه تمكن بشده
ووشضد رجل مقبل منه لابد = يواجهه من عاش ماعنه صده
يرافقك في تالي العمر ماصد =واللي تبيه وتطلبه ما يمده
ووشضد رجل من مسليك يرتد = ليا سببه في منطقه ما ترده
ووشضد بنت قدم وجهك بنت سد =المدخل المفتوح قدمك تسده
ووشضد رجل من وجوده حصل ود =مثل الوسام ومن يشوفه يشده
ووشضد رجل له رسول على الخد = ويسببه شي عسى الله يلده
ووشضد رجل من نزل به عنه شد = اسمه ذهاب المرجله والمكده
وشضد ما عقّب لك الاب والجد = به تفتخر ون خبت ما جد جده
ووشضد رجل من نزل ساحته كد = ما يعترف بالمسنده والمخده
ووشضد رجل ما يفاوص ليا هد = سلطان تاثيره على الجسم مده
ووشضد رجل قبل يعمي وهوحد = وليا تحرك ثورته مستبده
ووشضدرجل كرّم الخلق ويعد = ساس البناء والخيروالضد رده
ووشضد رجل مابه اخذ ولارد = وامره قوي على الصلوات بده
ووشضد رجل به مهونه ليا عد = ليا تبين غيّبه لاتعده
ووشضد رجل منصف يعتبر عد = احد يوده واحد ما يوده
ووشضد بنت في عملها تبي جد = نوب تيسر لك ونوب مصده
ووشضد بنت تشرح الصدر من جد= من الحياة وخيرها مستمده
ووشضد رجل حط بعض العرب قد = في موقع لوكان ماهو بقده
ووشضد بنت كنها الجزر والمد = فيها الرضا منها الصفا والموده
ووشضد اليوم والامس والغد = هات الجواب وما جهلته تعده
ووشضد سبع شرهن شر يعد = الكل منهن قاضيه مستبده
ووشضد بنت فعلها فيه تعتد =توقف عدو معتدي عن حده
ووشضد مهجور عقب تم واشتد = ما احد يسد ليا تنحى مسده
ووشضد رجل كل ماتنهمه صد = غبر الليالي عن لزومك تصده
ووشضد من يظهر لك اللطف والود = وليا كشفته شفت عكس الوده
ووشضد من يمشي وياقف على حد = والظالم اللي عن طريقه يحده
قلته وفضل الله على الخلق ينعد = سبحان من يضفي على الناس مده