من أجمل ما قرأت من الكسرات
1/
هميتني وزدت همي هم ***** هميتني وانشغل بالي
سم الافاعي يجي فالدم ***** وسمك على القلب طوالي
2/
دكتور قلبي وقف ساعات ***** ياخذ ويعطي مع مترجم
اللي فهمته يقوله فات ***** اللي سقى من غرامه سم
3/
أعد الايام بالساعات ***** واحسب ثوان دقايقها
وانا انتظر موعده بالذات ***** اللي اتعب النفس وارهقها
4/
سنين في معالج الاجراح ***** والطب مافاد في دايه
غلق شبابي وعمري راح ***** والقلب تعبان للغاية
5/
قلبي تفجر كما البركان ***** لاثار واقذف بنيرانه
كل العضى تشتعل نيران ***** من نار قلبي وبركانه
6/
ماكل ضابط يجي قايد ***** لو حط فوق المتن تيجان
وماكل لاعب كما ماجد ***** يفرحك في ساحة الميدان
على ما أعتقد أن الكسرة رقم 4 للشاعر محمد بن عاتق الانصاري ( ابوهاني )
ورقم 5 للشاعر مرحوم خضيري النجبي ( ابو سلطان )
ورقم 6 أكيد للشاعر حامد بن ضيف الله السفيري ( ابو فهد ) الله يشفية ويقومه بالسلامة
وكل هؤلاء الشعراء من الكبارفي شعر الكسرة
وهذا اللي أذكره الان وكثير نسيته ولاكن أوعدكم لا ذكرت كلام مثل ( الدرر) راح انزله على طول
أبغى أقرأ أرائكم وردودكم