محاوره جرت بيني وبين الشاعر هزاع صالح:
* هزاع صالح
سلام من قلب متوجس === وصروف الأقدار مشهوده
حار القدم والنظر والحس === مقفي والأيام معدوده
* مطرز الحرف
يامرحبا فأولات الهمس === ياصلك فالحال بوروده
القلب مهماً يحوفه طمس === لابد مايبيح بسدوده
* هزاع صالح
عسى البقاء محتري من أمس === والنفس بالحيل ملهوده
الناس تاكل حلا بالخمس === ونفسي عن الزين مسدوده
* مطرز الحرف
لو ضاع بينك وبينه أنس === وإنت أمانيك مفقوده
الواجب إنك تزيد اللمس === تجني زهر ثمرة خدوده
* هزاع صالح
أخاف مزنه يسد الشمس === ويزلزل الروح برعوده
لاجيت بنساه متحمس === فالدم يستنفر جنوده
* مطرز الحرف
لو هب ريح الهوى ونسنس === والطقس مايل على بروده
من مثلك اليوم متمرس === يعرف خراجه ومجهوده