 |
 |
|
 |
|
السلام عليكم ورحمة الله وبركاته
بأسم ادارة ملتقى قبيلة حرب الرسمي واعضائه نرحب بضيفنا الكبير
ضيفنا بهذا اللقاء شاعر من كبار شعراء القبيله
شاعر تميز شعره بوضوح المعاني وسهولة الألفاض
شاعر وقف دون القبيله مع كوكبة من الشعراء وكان له دوره بتلك المواقف
قال الشاعر محمد العسيلي :
يـاعـضـيــب كــــــلٍ دون حـــقـــه وداره=وأهـل الضغايـن كــم وقـفـت بنحـرهـم
وقــفــت وقــفـــات الـعــديــم بـصــطــاره=وأهـل الظفـر عـيـب الـزمـان يغـدرهـم
وقال الشاعر لافي بن نفجان :
عـضـيــب لـكــبــود البـغـيـضـيـن رضـــــاف=وعـنـد الـلـزوم يـبـيـن مـــا هـــو اعـكـافـي
الــلــي لـقـلــب الــضــد بـالــمــوت لــغـــاف=وبــيـــن عــلـــي خـــــده ثـــــلاث الــجــرافــي
عـــزيـــز نـــفـــس ولـلـجــزيــلات جـــعـــاف=لــلــحـــيـــل ولا مــقــرحـــنـــات الـــخـــرافــــي
هيف السمين لياء لفا البيت من ضاف=طـلـق الحـجـاج لـمـن لـفــا لـــه وضـافــي
ولـــه رفـــتٍ فـيـهــا تـحـلــى بــهــا رفــــاف=و وجـــــار بـــــه صــفـــرٍ كـــــرامٍ إهــدافـــي
ضيفنا علم من اعلام القبيله
الشاعر الكبير /عضيب ابن هليل ابن شلاح العلوي الحربي
فأهلا وسهلا به ترحيبا يليق بمقامه
ونشكره جزيل الشكر على قبول الدعوه وتلبية رغبتنا
بسم الله نبداء اللقاء وبأنتضار اسئلتكم والتي نرجوا منكم ان لا تتجاوز ثلاثة اسئله بالمشاركة الواحده |
|
 |
|
 |
حياالله الشاعر الكبير عضيب في محله وعند ربعه والساعه البركه يابو بدر الجماعه ماقصرو رحبو ومثلك يستاهل الترحيب وارجو منك العذروالسموحه عن التقصير
يامرحبا ترحيب مقدار ياعضيب =ترحيب وافي وانت رجال وافي
اعداد ماخط القلم بالمكاتيب = واعداد من بالبيت كبر وطافي
يالشاعر الي يوم اعد اللواعيب =مركزك الاول بالمواقف يشافي
ومن غير قاصرفي رجال المواجيب =كلاً بميقافه يحد الرهافي
وبسمي اقوله ثم بسم المعازيب =يامرحبا ياعضيب ترحيب ضافي
يضفي عليه الطيب ياكاسب الطيب = من غالي الكمبود صافي ووافي