المشاركة الأصلية كتبت بواسطة عوض عواض الغيداني

راكب اللي بالسفر راهيٍ عزمه=ماتمله كل ماطال مشوارك
كنه اللي لانخيته يفك ازمه=مايقول ألا إعتمد نعنبوا دارك
من سلايل رؤس قومٍ بهم لزمه=ربعن إليا أبطيت تنشد عن أخبارك
جيب لكزس يعشق الصعب ويهزمه=لاستر ربي يوصلك لديارك
لو همومك وسط صدرك تجي حزمه=تنفرج لاشفت زوله تقل بارك
شوفته تقضي على الضيم وتخزمه=لاعزف همه زمانك على اوتارك
ودك إنه يأكل الزاد وتعزمه=لأنك أنت تقدره مثل مقدراك
من غلاه تحن ابنصه من الجزمه=تلمسه بأصبع يمينك عن يسارك