سلام تسليم الوفا لأهل الوفا وأهل القرار


ربعٍ تعز الضيف والعاني وتوفي كل جار


بيت الوفا والطيب بانينه على عز وعمار


جينا نبارك للعريس وبارك الله للجميع


والثانية وش رجل له بين العرب قدر وقار


حوّل على بنتين قدم الناس في وضح النهار


هن عون له في مهمته وهو لهن رمز وشعار


واللي معه فكر يدله في طريقه ما يضيع




الرد



يامرحبا في مرحبا ترحيب في سر وجهار


اعداد ما طاب الثمر واعداد جنّاي الثمار


والضيف يلقى واجبه والكيف من بن وبهار


الله يحييكم على التكميل والقدر الرفيع


ياللي بنيت اللغز حله له مكانه واعتبار


هذاك منزاله على رؤس الرجال اللي حرار


فوق الشماغ عقال والهاجوس في حله ما حار


لبس السعودي والسعودي حر مايقعد قطيع