الصاحب اللي كلنا عارفينه=شاعر وشعره يستحق العلامه
جزيل في شعره جزيل بيمينه=لاقلت خالد ماعليه ملامه
يامرحبا برسالةٍ من يدينه=تحمل تحياته وتحمل سلامه
عسى المعرفه والعلاقه متينه=بيني وبين اهل الوفاء والكرامه
هذا وانا قريت سيرة سنينه=منذو ثمان سنين قصه غرامه
مرت ثمان سنين ياعاذلينه=راحت على خالد ماحقق مرامه
مع واحدٍ وش صار بينه وبينه=من فيهم اللي ماوفاء بالتزامه
وحان الفراق وباح خافي كنينه=وغيرقراراته ولخبط نظامه
واصبح لصكات الليالي رهينه=والله ماادري ياعرب وش علامه
وامسى حزين ارجو عسى الله يعينه=ويغير دموع الشقاء بابتسامه
ويصبر على الايام شينه وزينه=والليل لو اظلم ماطوًل ظلامه
وحمامةٍ طارت بوسط المدينه=غير الحمامه فيه مية حمامه