ابو طلق=
يا سبحتي دوريلي حل = وخلّـي فؤاد الشقي يرتاح
ميزان بعض الأمور إختل = ورجّح خساير على الارباح
السبحة=
يا صاحبي والمقدر حل = لا تعنّي القلب باللي راح
بعض الموازين لو تعطل = لكنها تقبل الإصلاح
ابو طلق=
فاتت ولا عاد به مأمل = سرنا سفينة بلا ملاح
من بعد ما ليلها أسدل = تاهت وتلعب بها الارياح
السبحة=
اللي مع النجم ماتعدل = واللي غوت ترقب الإصباح
على الفرج دوم لا تعجل = كل باب لابد له مفتاح
ابو طلق=
عن النجم دوم ما نغفل = لكن تغطى النجم بوشاح
والباب كل ما انفتح يـُقفل= والعين تنظر كؤوس الراح
السبحة=
ما يبني الكاس مستقبل = ما يرفع الكاس منهو طاح
لا تشتكي إنكان ما تعمل = أصميتني يالفتى الصياح
ابو طلق=
كنت اتمنى جواب أفضل = لعل تهدى بعض أرواح
شكرا على الرد بالمجمل = اليوم بارميك يالمسباح
السبحة=
سبحنبي وقوم وض وصل = وادع الذي يبري الاجراح
لكن لا تـتـكي و تزعل = كل شي يبغى عمل يا صاح