بخيتان البشري =
دار الوفا جيته ومقصودي وفا للأهل الوفا=والعين لدتها على أهل الطيب تسعد نونها
الليل يالشعار والخاطر صفا باللـي لفـا=والرؤس تبقى رؤس لابانت وبان متونها
وادي الرمه =
الدار دارك جيت والارحت ماقلنـا جفـا=دايم وفي والارض في جيتّك يخضر لونها
الليل يابخيتان والحاضر عن الغايب كفـا=والروس والا غيرها ليلى لهـا مجنونهـا
بخيتان البشري =
خابرك شاعر تنحت الأبيات في صم الصفا=يا صاحبي خلك وراء الهقوة ولا من دونها
انته تبي شاهـد ويبغالـك ثنيـن معرفـا=مجنون ليلى ما روى ليلة وعاش جنونهـا
وادي الرمه =
واد الرمه وان سال يالبشري على الديره ضفا=هدّم اسدود البدو في سيلـه ودك احصونهـا
العلم دونك ملحته والبدر مـا أظـن ايخفـا=يأهل الهوى ليلـى لهـا عشـاق لاتبلونهـا
بخيتان البشري =
علمي جهر لا جيت له قدام ما يرجع قفا=غن اللحن بالسامرية والعرب بلحونهـا
الذيب يسري طول ليله ياصحيبي ما حفا=وليا لقى عذرا مع الغدراء يبيح فتونهـا
وادي الرمه =
الرمي بالشاخص سطا ماهوب من دونه هفا=والطائشة ترجع على رجل ن بدع قانونهـا
الكوكب الدري قبل عامين يالبشـري طفـا=واظلم سما العذرا عسى المولى يقوم بعونها
بخيتان البشري =
اليا رميتو ياعميلـي للمواقـع نقصفـا=والناس ما نعلـم بنيتهـا ولا بظنونهـا
القاضي اصدر حكم والتمييز بالحكم اكتفا=واهل الدعاوي روحو قنعى وزاد غبونها
وادي الرمه =
تقصف مواقع لأصدقاك ايجوز واتخون احلفا=اما العدو واهل الحذر مواقعـك يرمونهـا
سلم على القاضي وقل .. ماللحماقة من شفا=الكوكب الدري نسيتـوا قصتـه وشلونهـا
بخيتان البشري =
صديقنا لاخلـف هقاوينـا عليـه بنخلفـا=جيشي ليا منه وصل ديرتك ما تحمونهـا
الكوكب اللي تذكره خيره على العالم ضفا=عساك من ناس ن لقت شيء يسد ديونها