حفيد الحجيري=
يا حرب خابرك تفهمهـا=لو كان جاتك على الطاير
بعض العرب فاتحه فمهـا=ما تعلم افبيتها اش صايـر
حرب=
مهما اتلاشى معالمهـا=ماكون دون الهدف حاير
واللي ماتفهم نفهمهـا=ان الخطر حولها دايـر
حفيد الحجيري=
شرواك الأهداف يرسمها=ويصيبها فكـره النايـر
تعال بالحرف نخصمهـا=على حسب نهجنا الساير
حرب=
دوله غزتنا بحاكمها=اللي على اهدافها تعاير
لابد مانحطم اسهمها=ونزيد من جرحها الغاير
حفيد الحجيري=
لازم نحجمّ زعايمهـا=وناقف لها موقف الغاير
ما ننخدع في تبسّمها=ولا نآمن الغادر الباير
حرب=
حنا الرساله نسلمها=للي نعرفه يجي غاير
اللي بدوره يعممهـا=المسأله ماتبى مساير