آآه لا دن الهجوس وآآه لاجيب خبرا=لارتحل في دروب عكره ماحدن فيها يجيه
راجلاً دمعت عيونه ولاحدن عنه درا=لاعضيد يكف دمعه ولا خواطر ترتجيه
دمع قهري باح سره لين ماليله سرا=وانبلجلي صبح مظلم خوف حزني ينتميه
خدع مع غش وخيانه فالحقيقه ياترا=هان فعلي بالحمايل والجمايل تكتسيه
روحي الي لاصقت روحك وسوت مجزرا=لجلها هامت في بحرك بالاماني تعوم فيه
ايش سوى شخصي انا يوم يجني افترا=كنت اعمل بالامانه وكنت شري مكتفيه
بس انت الظاهر انك بعت شخصٍ لك شرا=روح دور لك بديلٍ ياعسى انك تلتقيه
انا بدعي لك عشان تعرف حري وقهرا=لاتسأل بين نفسك صدق بدعي ايه ايه
ذقت انا امرار كاسك وكاسك انته لي غرا=شدني خارج انأك ثم سم الي حويه
لاتصدق هرج جالك او كلامٍ انطرا=اني اخضع لك في يوم او اسو الي تبيه
ياما سويت انا لجلك وياما قلبي لك درا=لكن الليله حسافه كنت احسبك تشتريه
قلبي الي عاش لجلك دون سده او ذرا=وانت عاملته بقسوه كنت جبارٍ عليه
غرتك دنيا المطامع والخيال الي برا=عقلك وسبب هالكك وانا بالطيب اجزيه
يلعن اب المال والله يلعن ابوه الثرا=فرق اقلوب البشر حسرات قلبي لابكيه
املك كنوزٍ ثمينه وفي عيوني ما ارا=غيرها والله القناعه هذي اصفات النزيه
انت اكيد انسان غامض ماتشوف الي جرا=يوم توقد نار كبرا وسط جوفي ليه ليه..!
حاسب لنفسك بيجني كل شخص الي كرا=طبعها الدنيا تراه الي تقدم تحتريه
لاتصدق كذبت الي قال لاتنظر ورا=انظر وزيد وتمعن شان بكره لا تتيه
قلبك الي هدني مقواه صلبٍ وصخرا=ماتشفق عوذتٍ طاحت اموري بين يديه
ذايق العلقى ترا ماهو كما الي لي قرا=لاخيال يجيب جرحي ولاتفاكير البديه
لااريد جدال انا ولااريد انا الزرا=لني اخشى اعمل بأصلك يالبليد ويالسفيه
مير سيب الهرج بالله وسيب عنك المسخرا=اطعن وفيني تسلى ولي ربٍ انتخيه