شاعر وبالحكمه اطول الطويلات=هذا صفات الي عليها انطباعي
لاهد فكري يقتحم فالمحيطات=ازاوده بجزال صوب ارتفاعي
نهج القوافي نبني للأصيلات=فطره من الله ظمها في شراعي
ابلج معاني للدروب البعيدات=دون استراحه ودون حتى انقطاعي
اسكنه معناي دار الرزينات=واخايله في جوف شبه اصطناعي
اسرد حروفي فالبحور المديدات=واضرب فضا المعنى بكل اتساعي
عزوم حرفي مايعرف الثقيلات=هميم في مسعاه دون ارتجاعي
صامت وصمتي له معاني كثيرات=وحذراك رغم الصمت بالحيل واعي
اعقد حزامي لا لقيت الشديدات=اسبر مغازي مجدده في اندلاعي
وافهق هجوسي للبواح العميقات=واجلب دررها لين ارويه صاعي
اعمق في بحثي لين اصل لدلالات=واملى يدي منها واقرع قراعي
شاعر ولي فالشعر صولا جولات=الرقى سنود الراقيه بأقتناعي
وقت الوغى صامل ولا اهتز لاجات=لاجات اجيها مباغته بندفاعي
ضربي تزعزع له مداد المسافات=يقصف جبال يذب فيها الهلاعي
واحسى حسو يقهر رفيق الدنيات=سمي ترا اخطر سموم الافاعي
ماغشني مظهر وخمني مطيعات=لايمكنه شخصا في يوم خداعي
افزع لدرب الحق دون ارتدادات=ماقصر عنه ابدا وفعلي ولاعي
نفسي عفيفه ماتعرف الدنيات=ماشي بوجهي ولارتديه القناعي
نصار للمظلوم لاجات هيات=ولا اهاب ابد من عاشقين النزاعي
وقعي ونبعي من مباني ظليلات=قامت على عزة ردوع السباعي
لالي ابد في محايل المستجدات=وضح النقى شعشعت منه شعاعي
ولا ابحث علومٍ ماضيةٍ دفينات=والي يبحث هم شغل الوجاعي
اعشق سكون الكون ثم الكتيمات=واحايل التنوير لني شجاعي
واشيل همي لاحملت الامانات=ولا ارتاح ابد يالين اقضي طواعي
والحق اصونه ولا اصون الذميمات=مالي ومال مدورين الشباعي
اموت بالعزه ولا اعيش كبوات=ادمي بديبي وجيه فعل البشاعي
وابني مبادء واستند برتكازات=اموثقه فالشرع بالدين ساعي
والوقت ماشي والحيا هي كفاحات=يالين موتك وانت عايش صراعي
ولا اكترث ابدا لكل السياسات=وافكار عقلي لدنى ماتراعي
وانطالت الدنيا وصادفت هفوات=مكتوب عمري لرتحلت لوداعي
هذي قناعه من كنوزٍ ثمينات=حايدتها نفسي ولبت ذراعي
والخاتمه اختم بكل الصلاوات=على النبي الي كفيل الشفاعي