ادري انك شاعرن منته مع الشعار عادي=تكتب جزال البيوت اللي وثيقات عمدها
وادري انك شاعر مشهور واسمك بالنوادي=نوب تضهر بالقديم ونوب تضهر في جددها
وادري انك شاعرن تهيم داخل كل وادي=ماتروج سلعة التيوان في خارج بلدها
وادري ان اللي سواتك ماتعلى بالشدادي=منت باللي وقفته عن عزوته كلن شهدها
لانت بدر ولانت عبدالله ولاشعرك ريادي=ولانت مثل عضيب لاشانت ولاكثرت عقدها
ولانت مثل إبن سند لان كان صارت للعنادي=والحداري وقفته تموت ماتاقف جهدها
ولانت لافي بالجزاله سمعته وسط البلادي=ولانت بن صالح بحور الشعر في شعره وردها
ولانت هواش السليمي للعدا سمن نكادي=ولانته ابا العون في سبك البيوت اليا نقدها
ولانت من شعار حرب اللي يضدون المعادي=بالشعر والطيب والافعال ماواحد نقدها
الله انه يبقي الحيين ذخر لشدادي=والله انه يرحم اللي ساكنن داخل لحدها
لو بغيت اعدهم عديت لين يطول مادي=بالشعر والا الادب وقفاتهم كلن حمدها
والرجل مايرفعه شعره على العليا السنادي= كان مابه دين وسلوم النشاما مبتعدها
وانت غادي تحسبني ياطويل العمر غادي=ماتنقد كلمتي حتى تنقد مابعدها
خلني ساكت ترا هرجي كما الحدب الحدادي=والعباه الدافيه طعني وخلك وسط يدها
وان بغينا الشعر نمشي في سلوم وفي مبادي=والصغر ماهو بذنب إن كان عقلك معتقدها
انته اكبر بالعمر والله رزاق العبادي=حطك اصغر بالعقل والمعرفه وامر وادها
وإن بغيت الصدق وعلوم السراحه والوكادي=مانجيب الحجه اللي ماثبت في سندها
إن بغيت الشر لاهل الشر سرجنا الجوادي=لي لسانن مايقول الكلمه اللي ماقصدها
محتسين اللي سواتك بالصباح وبالهجادي=ماطلبنا السلم والهدنه نموت ولانعقدها
وان بغيت العافيه خل الهروج مع الدوادي=من تخالف دربنا والله مانبغى نكدها
دامني صبرت صبرن يشبه إلصبرالمهادي=اغتنمها فرصتن ماكل من يخطي وجدها
لاتصير اللي يحرث النار من تحت الرمادي=يكحل إعيونه ويسعى من عماها في رمدها
يالله انك لاتمشيني طريق الانتقادي=ماتحمل شرهة الوافي علي إليا سندها
إعذروني يارجال العرف ماهذا مرادي=لاوله والثانيه والثالثه كمل عددها
والله ان الحر مايصبر على حوم الحنادي=والجمال اليا اهدرت تروع من ينظر زبدها
كم دمحت من العلوم اللي تزيده بالتمادي=يحسبنا نعبد الاصنام والناس نعبدها
مادرا اني من هل الوقفات بايام الطرادي=نكبة العدوان لامن العدا ربي قردها
الدويله مزبن الجانيين خطلان الايادي=واهل السطوات لامن العدا زادت مددها
من قبيلة حرب يوم الحرب لصقور الهدادي=عزوتي حرب الدول يوم اللقاء حاضر سعدها
طاردين الترك عن دارن لنا فيها مرادي=بعد طرد الروم بسيوف تعز اللي جردها
والقبايل فعلنا ماتجهله حضر وبوادي=واحد مايفتخر في حرب مايحسب ولدها
جاك علمي وانت لاتمشي على الدرب امتحادي=لان بغيت العافيه وان كان تبغى الشر عدها
لانته بناقص عقل ولاصغير بالمهادي=مشكلت بعض العرب يغار والناس يحسدها
لو ماخاف اللي تولع مثل نارن في عرادي= فتنتن يفرح بها الاقصين لاهلت بردها
سقتها يمه ولا رجعت سيفي بالغمادي=لاكن ادرا شرهت العقال يمي وابتعدها