مضحي بن جمران
يامهجرس محمـد لايوازينـا=دام ماهو على مانهتوي ماشي
قله انا على ماضـي مبادينـا=لايمشي علينا لعبة الحاشـي
مهجرس الحرف
يابن جمران لاتزعل وترضينا=من يزعلك يابن العم ما عاشي
منهو محمد اللي تقصده فينـا=ماشرينا وبعنا كود بالكاشـي
مضحي بن جمران
اتشرهه على طلـق الحجاجينـا=بس عمشه غدت في قلب عماشي
القمـر لكتمـل بالاسـم دارينـا=ابو قلبٍ بياضه كنـه الشاشي
مهجرس الحرف
شرهتـك مانلقيـهـا علابيـنـا=لوسببها نشيل الضلـع عكاشـي
الخطاء صار وانتـه يابناخينـا=منت مرشي ولانت بموقع الراشي
مضحي بن جمران
الحمـى ماحمـاه الا المحامينـا=ياذراء الشامخه عن هرجة الواشي
مارتكب غلطتـه قصـده يعادينـا=طيبه سيرتـه ماهـو بغشاشي
مهجرس الحرف
الحمى ماحمـاه الا السلاطينـا=وانت لوجيهنا مانته بخماشـي
مير في بعض الاشياء لاتقاصينا=دامنا ماعترضنا العابر الماشي
مضحي بن جمران
ارجحي يالجزايـل يالموازينـا=الجزيله ماهي بالهرج وبلاشـي
المناحر رجـع بيـن البعارينـا=ياشعيل الجمل وش فور الجاشي
مهجرس الحرف
ندري ان الحمـوه بالشرايينـا=وندري انك لذاك الباب متحاشي
يابن جمران دون حلوقنا ايدينا=كل راسٍ اللمس اعضاه شواشي
مضحي بن جمران
يازحولٍ لكم ماضـي براهينـا=يومها بين مهجادٍ ومغباشـي
روس ياطيبها وسط الميادينـا=وروس لاطول المشوار تنداشي
مهجرس الحرف
ماعليكم قصور اليـا تقصينـا=تتعبون الخيول اليا هبا اللاشي
يابن جمران هللنـا وصلينـا=ونقفل بابها لو فيه دفاشـي