ياجماعة خير ياكبر المصيبه=بيّنه للعين بالشعب العراقي
شعب مسلم مالقيبه مايعيبه=لاغرور ولاإحتيال ولانفاقي
صامدين وطامعينٍ بالغليبه=منحنو لذل ببطون المتاقي
رغم حرب الغرب من شافه يهيبه= من عتاد ومن سلاح ومن نطاقي
حي شعبٍ قام وظروفه عصيبه=وقفةٍٍ صدو بها حمر الطواقي
والسماء من فوقهم والع لهيبه=والشوارع بالدمي مثل السواقي
بين عزّل قاصرات وبين شيبه=ماوطته القنبلة ماله بواقي
يابلاد الرزق يادار الحبيبة=يابلد من كرمت سبل الطراقي
من يدافع لين يقتل من نصيبه=فوزها يقاه في يوم التلاقي
ياعراقٍِ صمدته ماهي غريبه=دون دجله والفرات أم المذاقي
يابلادٍ شاهدت روسٍ منيبه= بالحضارة تعتبر من شعب راقي
يابلاد العلم وأقلامه وأديبه=يوم بالتاريخ مرات انزلاقي
معهم التاريخ له قصة عجيبه=كد غزوه أهل الحسد والانشقاقي
واجدعـم وسط النهر ماب الحقيبه=نهر دجله راح من حبره زراقي
وكل شئٍ له ايلاهٍ يعتنيبه=رجّـعه واليه للحصن الوثاقي
ياشعوب الرافدين بكل صيبه=في مآسي جرحكم فالكل شاقي
ربطنا بالدين وأصولٍ عريبه=والتلاحم واجبه بالإنعزاقي
ياعراقٍ هقوته ماهي قريبه=وإن هقيبه .. يخلف ظنون المهاقي
ياعراقٍ قـدَّوا العدوان جيبه=في نهارٍ فيه ياصعب الفراقي
يـومٍ أسود .. بالمراره يندعيبه=موقفه يركي على الكبد العراقي
لاعطيَّـه للغزاه ولا نهيبه=كن في بغداد للغزو اتفاقي
يابطل بغداد هرجي فيك غيبه=يوم جاك السيل من حدر الرواقي
ياالشجاع الصيرمي ملفى نجيبه=ذخرها المذخور لاضاق الخناقي
من خبر ماضيك مايظلم نصيبه=ضلعٍ أملس مايحصَّـل به مراقي
لكن الموضوع به شكَّه وريبه=ماتضيَّعنا مزاهيف السباقي
تبحل الجهيل .. وقلوبٍ لبيبه=بين راح ،، وبين في بغداد باقي
واجبه معروف واضح يندريبه=دم جوفه يسقي الرمل الرقاقي
يوم ماجت منه .. من عزه وطيبه=مايلاقي شعبه الصامد يلاقي
والختام الله يكافيناالمصيبه=نستجيرك جيرنا ياخير واقي